БИШКЕК, 19-дек. — Sputnik. Ирандын президенти Хасан Роухани үч мамлекетке иш сапары менен келерин Ирандын Tasnim-News маалымат агенттиги президенттик администрациянын маалымат катчысы Парвиз Исмаилга шилтеме берүү менен билдирди.
Маалыматка ылайык, 21-декабрда Армениянин борбору Ереванга Серж Саргсяндын чакыруусу менен барат. Андан кийин бир күндүк сапар менен Астанага барат.
18 Бештин айы 2016, 16:50
Андан соң Роухани Бишкекке келип, президент Алмазбек Атамбаев менен жолугат. Жолугушууда эки мамлекеттин мындан аркы кызматташуусун жайылтуу үчүн бир нече Меморандумга кол коюлары күтүлүүдө. Tasnim-News маалымат агенттигинин жазышынча Роухани бизнес-форумга катышат.
КР президентинин маалымат кызматынын жетекчиси Алмаз Үсөнов Ирандын президенти 22-23-декабрда Кыргызстанга расмий иш сапар менен келерин тастыктады.
Иран президентин өлкөнүн министрлери менен депутаттары да коштоп жүрөт.
Аталган агенттик буга чейин Роуханинин 4-5-октябрга пландалган иш сапары Алмазбек Атамбаевдин дарылануусуна байланыштуу кийинки жылдырганын билдирген.
