БИШКЕК, 19-дек. — Sputnik. Өлкө президенти Алмазбек Атамбаев Делиде мамлекеттик маанилүү маселелерди чечип жүргөн кезде Sputnik Кыргызстан агенттигинин кабарчысы эки мамлекет тууралуу кызыктуу фактыларды издеп көрдү.
1. Күн сайын Индия Кыргызстандан 3 миң долларга товар сатып алат. Жарым аралдын ишкерлери кыргыз бут кийимдери менен булгаарысына муктаж экен.
2. Ал эми Кыргызстанга күн сайын Индиядан 86 миң долларлык товар кирет. Негизинен бул — кийим-кече.
3. Кыргызстанда индиялык инвесторлордун каражатына ачылган 30га жакын ишкана бар.
4. Индиянын аянтына Кыргызстан сыяктуу 16 өлкө батып кетмек.
5. Ар бир үч айда Индияда төрөлгөн балдардын саны Кыргызстандын жалпы элинин санына жетет.
6. Кыргыздар индустарга караганда орто эсеп менен эки жылга көбүрөөк жашайт.
8. Ар бир үчүнчү индус жаза да, окуй да албайт. Ал эми Кыргызстанда сабаты жоюлбагандар дээрлик жок.
9. Doing Business басылмасынын бизнес кылууга ыңгайлуу өлкөлөрдүн рейтингинде Кыргызстан 75-орунда, Индия 130-орунда турат.
10. Ар бир кыргызстандыктын мойнунда мамлекеттик карыздын 625 доллары "илинип" турат, ал эми индустардыкы — 333.
11. Индияда 10 адамга болгону 7 дарыгер, ал эми Кыргызстанда — 20 дарыгер туура келет.
12. ЖМК эркиндигинин индекси боюнча Индияда массмедианын ишине тоскоолдуктар көбүрөөк, басма сөз боюнча кырдаал "оор" мамлекеттердин катарына кирет. Бизде абал кыйла дурус.
13. Кыргызстан — тынчтыкты сүйгөн өлкөлөр рейтингинде 124-орунда, ал эми Индия 141-орунда.
