БИШКЕК, 14-дек. — Sputnik. 45 жаштагы аял Бишкек ШИИБдин Кайгуул милициясына арыз менен кайрылып, өзүнө жагып калган мырзаны таптырып алды. Бул тууралуу Кайгуул милиция башкармалыгы кабарлады.
"Бир ай мурун DUF жүк ташуучу унаанын айдоочусу Бишкекте кетип бара жатып арыз жазган айымдын үйүнө жакын жердеги электр зымдарын үзүп салган. Ошол учурда электр жарыгы өчүп калган үйдүн кожейкеси чыкканда айдоочу бардыгын оңдойм деген. Үйдүн ээси анын машинасынын номерин жазып алгандан кийин айдоочу андан ары жолун улаган", — деди Кайгуул милиция башкармалыгынын издөө бөлүмүнүн башчысы Ажыбек Майназаров.
Аял аталган окуядан кийин милицияга барып, айдоочунун үстүнөн арыз жазган. Анын негизинде Кайгуул милициясы издөө иштерин баштаган.
Милиция кызматкерлери кайрадан арыздын ээси менен жолугушкан. Алар эмне себептен компенсациядан баш тарткандыгына кызыгышты. Аял чынында ага айдоочу жагып калганын, аны менен жолуккусу келгенин айткан.
"Ага жагып калган айдоочу КРдин 26 жаштагы жараны экен. Мен издөөнүн себеби сүйүү экенин билгенде жигиттин аты-жөнүн социалдык тармактарга жазып, аны Facebook баракчасынан таап алдым. Арыздын ээсине көргөздүм. Ал сүйүнүп алып кетти. Биз аялдан мындан ары бул сыяктуу иштер менен кайрылбашын сурандык", — деди Майназаров.
Ал өлкөнүн бардык жарандарынан майда-чүйдө суроолор менен милицияга кайрылбоосун өтүндү. Анткени мындай иш-аракеттер чыныгы кылмышкерлерди кармоого тоскоол болууда.
