Мэрия: люкта 2 күн жаткан адам "Бишкекжылуулуктармагын" сотко берүүгө акылуу

© Sputnik / Табылды КадырбековКанализационный люк на столичной дороге
Канализационный люк на столичной дороге - Sputnik Кыргызстан
Жазылуу
Учурда ачык люктарга тосмо коюлуп, кайрадан капкак жабууга даярдыктар көрүлүүдө.

БИШКЕК, 7-дек. — Sputnik. Бишкек шаарында люкка түшүп кетип, эки күн жаткан адам "Бишкекжылуулуктармагы" ААКсын сотко берүүгө укуктуу. Бул тууралуу Sputnik Кыргызстан агенттигине Бишкек мэриясынын маалымат катчысы Гуля Алмамбетова билдирди. 

Эске салсак, 15-ноябрда Лев Толстой – Логвиненко көчөлөрүнүн кесилишиндеги Бишкек жылуулук тармактарынын куурлары жайгашкан люктардын бирине 39 жаштагы тургун түшүп кетип анда эки сутка жаткан.

"Шаар тургуну түшүп кеткен люк "Бишкекжылуулуктармагы" ачык акционердик коомуна тиешелүү экени аныкталды. Жабырлануучу аталган ишкананы сотко берүүгө толук укугу бар. Мэрия бул жагдайды өз көзөмөлүнө алып, күнөөлүү тараптын жоопкерчиликке тартылуусу боюнча маалыматтарды тургундарга кабарлап турат", — деди Алмамбетова. 

Анын айтымында аталган люктарга бир нече жолу капкак жабылып, кийин уурдалып кеткен. Учурда ачык люктарга тосмо коюлуп, кайрадан капкак жабууга даярдыктар көрүлүүдө. 

Бишкек шаарында люкка түшүп кетип, эки күн жаткан адамды селсаяктар сактап калгандыгын Sputnik Кыргызстан агенттиги даярдаган видео материалдан көрсөңүздөр болот>>

Жаңылыктар түрмөгү
0