БИШКЕК, 28-ноя. —Sputnik. АКШнын мамлекеттик катчысы Жон Керри жакын арада кызматын тапшыраарына карабай Россия менен Сириянын Алеппосу тууралуу бир пикирге келүү аракеттерин көрүүдө. Бул боюнча Washington Post гезитине шилтеме берип РИА Новости агенттиги жазып чыкты.
"Кетерине аз калган мамлекеттик катчы Жон Керри Алеппо боюнча Россия менен макулдашуу үчүн болуп көрбөгөндөй аракеттерин жасоодо. Мисалы, Керри жакында эле Россиянын тышкы иштер министри Сергей Лавров менен Перуда өткөн АТЭС саммитиндеги жолугушуудан тышкары, бир жуманын ичинде эле эки жолу телефон аркылуу сүйлөштү", —делет билдирүүдө.
Бул маалыматты орус президентинин жардамчысы Юрий Ушаков дагы тастыктап, Керри менен Лавров буга чейин бир эле темада мынча көп сүйлөшпөгөнүн айтты.
Дональд Трамптын администрациясы келерки жылдын 20-январына белгиленген инаугурациядан кийин ишке киришет.
