БИШКЕК, 17-ноя.— Sputnik. Ирандын президенти Хасан Роухани кийинки жумада расмий иш сапары менен Кыргызстанга келет. Бул тууралуу Иран басылмасы Tafsir-News жана Fars News маалыматтык агенттиги да билдирген.
Басылманын маалыматтарына караганда, Иран президенти Кыргызстан, Казакстан жана Армения өлкөлөрүнө барат.
Иш сапарынын алкагында Роухани өлкө башчысына жолугуп эки өлкөнүн кызматташтыгын бекемдөө, аймактык жана эл аралык маселелер тууралуу сүйлөшмөкчү.
Мурда Tasnim News Agency агенттиги Хасан Роухани Алмазбек Атамбаевдин дарыланып жатканына байланыштуу сапарын токтотуп койгондугун жазган.
Ал эми былтыркы жылдын сентябрь айында Алмазбек Атамбаев кесиптешинин чакыруусу менен Иранга расмий иш сапары менен барып келген.
