БИШКЕК, 10-ноя. — Sputnik. "Ислам мамлекети" террордук тобунун мүчөлөрү Ирактын Мосул шаарында отузга чукул бейкүнөө адамды электр тогу менен өлүм жазасына тартты. Мындай маалыматты "Ас-Сумария" телеканалы билдиргенин РИА Новости жазып чыкты.
8 Жетинин айы 2016, 19:27
Маалыматтарга ылайык, террорчулар бул адамдарды өкмөттүк күчтөр менен байланышы бар деген күнөө коюшкан.
Ирактын түндүк тарабындагы Мосул аймагын 2014-жылы басып алган "Ислам мамлекети" террордук тобунан куткаруу боюнча аракеттер 17-октябрдан тарта башталган. Ага Ирактын аскерлери, жергиликтүү кошуундар, күрддөрдүн күчтөрү жана АКШ башында турган эл аралык коалициянын аскер аба күчтөрү катышууда.
Миграция боюнча эл аралык уюмдун маалыматында согуш башталгандан бери шаардан 40 миң адам турак жайын таштап кетүүгө аргасыз болгон.
