БИШКЕК, 8-ноя. — Sputnik. АКШнын жогорку бийликтеги администрациясы террорчуларга каршы күрөш жүрүп жаткан Ирактын Мосул шаарынын калкынын 50 пайызы баш калкалай турган жайларга муктаждыгын айтты. Бул туурасында РИА Новости жазды.
"Азыркы кризис мезгилинде көбү лагерлерге барбай өздөрүнүн досторуна, бир туугандарыныкына барышууда. Администрация өкүлүнүн айтымына караганда, Мосулдун калкынын 50 пайызы өздөрүнүн күчү менен конуш тапса, жарымы башка калка кыла турчу жайларга муктаж болууда", — деди Ак үй өкүлү.
Анын айтымында, АКШ гуманитардык жардам көрсөткөн өнөктөштөр менен иштеп, качкындарга баш калкалоочу жай куруу жана колдо болгон лагерлерди кеңейтүү боюнча иш алып барууда.
"Элдин муктаждыгын канааттандырган жайлар болот", — деп кошумчалады ал.
Террорчулар 2014-жылы басып алган Мосул шаарын бошотуу операциясы бул жылдын 17-октябрынан бери уланууда. Ага Ирактын өкмөттүк аскерлери, жергиликтүү кошуундар, күрд топтору жана АКШ башында турган террорчуларга каршы күрөшүү боюнча каолициясы катышып жатат.
