Жээнбеков: Бекмамат Осмонов мекенге кызмат кылуунун бийик үлгүсүн көрсөтүп кетти
Бекмамат Осмонов эл-журтка, мекенге кызмат кылуунун бийик үлгүсүн көрсөтүп кетти. Бул тууралуу Ош шаарында өтүп жаткан Осмоновду эскерүү иш-чарасына катышып жаткан премьер-министрдин милдетин аткаруучу Сооронбай Жээнбеков билдирди.
Анын айтымында, Кыргызстандын өнүгүшүнө чыгаан саясатчынын салымы чоң.
"Депутаттык мандатты элдик милдет катары кабыл алып, эл кызматында болду. Жөнөкөй үй-бүлөдө төрөлүп, жалпы элдик деңгээлге жетти. Жалпы кыргыз элинин келечегине түйшөлгөн чыныгы патриоттун өмүр жолун басып өттү", — деди Жээнбеков.
Бекмамат Осмонов көзү тирүү болсо бүгүн 70 жашка чыкмак. Саясатчыны эскерүү иш-чарасына Жээнбековдон тышкары ЖК депутаттары, коомдук ишмерлер катышууда.
