БИШКЕК, 22-окт. — Sputnik. Чолпон-Атадагы жаңы салынган ипподром Белоруссиянын Минск шаарында өткөрүлгөн Эл аралык архитекторлор союзунун ассоциациясынын (ЭААСА) сынагында баш байгени ээледи. Бул тууралуу КРдин Курулуш, архитектура жана турак жай-коммуналдык чарба боюнча мамлекеттик агенттиктин басма сөз кызматы билдирди.
Кыргызстан "Курулуш" долбоору үчүн "ЭААСАнын алтын медалы" сыйлыгына ээ болду. 29-сентябрдан 1-октябрга чейин ЭААСАнын коордициялык кеңеши өткөн. Ага Кыргызстан, Азербайжан, Армения, Белоруссия, Грузия, Казакстан, Молдова, Россия, Тажикстан, Түркменистан, Өзбекстан, Украина сыякиуу КМШ өлкөлөрүнүн архитекторлору катышкан. Андан сырткары Сербия өлкөсү да бар.
Ат майдандын курулушуна кеткен акча алгач 487 миллион сомду түзсө, кийин ал 1,1 миллиард сомго чейин жеткен. Аталган курулуш Чолпон-Ата шаарына чукул Бактуу-Долоноту айылында, 3-сентябрдан 8-сентябрга чейин Ысык-Көл облусунда өтө турган Дүйнөлүк көчмөндөр оюндарына аз калганда салынган.
