БИШКЕК, 19-окт. — Sputnik. Баш мыйзамды өзгөртүү боюнча референдумду дайындоо тууралуу мыйзам долбоору экинчи окууда жактырылды.
19 Тогуздун айы 2016, 12:54
Аталган мыйзам долбооруна 90 депутат макул, 14 эл өкүлү каршы добуш беришти.
Эске сала кетсек, аталган мыйзам долбоору каралган учурда кызуу талкуу жаралып, "Ата Мекен" менен "Өнүгүү — Прогресс" фракциясынын депутаттары каршы пикирлерин билдиришсе, КСДП, "Республика — Ата-Журт" фракциясынын эл өкүлдөрү колдой тургандыгын айтышкан.
Мыйзам долбооруна ылайык, алгач референдумду 4-декабрь күнү өткөрүү пландалган. Кийинчерээк бул күн жылып, депутат Улан Примов элдик добуш берүүнү 11-декабрь күнү өткөрүүнү сунуштап, аны Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитети жактырган.
