БИШКЕК, 19-окт. — Sputnik. Президенттик аппараттын жетекчиси Фарид Ниязовго жол эрежесин бузгандыгы үчүн 1000 сом айып салынды деп билдирди "Akipress Репортер" окурмандарынын маалыматына таянып.
Автордун маалыматына караганда, сүрөт 14-октябрда Бишкек шаарындагы Байтик баатыр көчөсүнүнөн ("Дастан" ишканасына жакын аймакта) тартып алынган.
Ниязовго эмне үчүн айып салынганы учурда такталып жатат. Аны Административдик кодекстин 235-беренеси менен жазаланганы белгилүү болду деп жазган басылма.
Беренеде айдоочулар жол белгилерине, жолдогу чийиндерге, автоунааны ашып өтүү эрежесин бузганда, эл ташып баратканда, андан сырткары эл ташуунун эрежелерин бузганда айып салынат.
