БИШКЕК, 18-окт. — Sputnik. 1994-жылкы паспортторду ID картага алмаштырбаган инсандар шайлоодо добуш бере алышпайт. Бул тууралуу Мамлекеттик каттоо кызматы билдирди.
Аталган кадам алдыда өтө турган жергиликтүү кеңештерге болгон шайлоолорго даярдык катары жүрүүдө.
"60 жаштан жогорку курактагылардын 1994-жылкы паспорттору ID карталарга акысыз алмаштырылат. Эгерде эски үлгүдөгү паспорттор алмаштырылбаса добуш бере алышпайт. Биометрикалык катоодон өткөн ID картасы бар адамдар гана добуш бере алышат", — деп жазылат маалыматта.
Буга чейин эски үлгүдөгү 78 миң 341 паспорт ID картага алмаштырылган. Паспорт алмаштыруу үчүн жакынкы паспорт столдорго кайрылса болот.
