БИШКЕК, 15-окт. — Sputnik. Талас облусунда 14-октябрда калыңдыгы 15-20 сантиметр кар жаап, анын кесепетинен Манас жана Кара-Буура районундагы электр линиялары үзүлүп, жарыксыз калган. Бул тууралуу ӨКМдин маалымат кызматы билдирди.
14 Тогуздун айы 2016, 20:45
Электр зымдарын оңдоо үчүн Манас районуна 5 бригада, Кара-Буура районуна 8 бригада жиберилген. Анын жыйынтыгында 14-октябрда кечинде Манас районунда 60 пайыз, Кара-Буура районунда 80 пайыз электр энергиясы калыбына келтирилген.
Андан сырткары Талас районундагы Көк-Токой айылында үйдүн чатырына терек кулаган. Куткаруучулар келип теректи коопсуз жайга чыгарышкан.
