БИШКЕК, 14-окт. — Sputnik. Оор атлетика боюнча эл аралык федерация (IWF) быйыл Рио-де-Жанейро шаарында өткөн Олимпиада оюндарынан төрт катышуучуну, анын ичинде Иззат Артыковду антидопинг эрежелерин бузганы үчүн дисквалификациялады. Бул тууралуу аталган уюмдун расмий сайтында айтылат.
Эскерте кетсек, быйылкы Олимпиада оюндарында Кыргызстандан 19 спортчу барып, оор атлетчи Иззат Артыков коло медаль утуп алган. Бул өлкөнүн жалгыз медалы болчу. Бирок Спорттук арбитраждык сот (CAS) 18-август күнү анын медалын алып, Олимпиададан дисквалификациялап салган. Буга Дүйнөлүк антидопинг уюму Артыковдун канынан тыюу салынган стрихнин каражатын тапканы себеп болгон.
Артыков менен бирге румыниялык спортчу Синкраян да 85 килограммга чейинки салмак категориясында коло медаль утуп алган.
