БИШКЕК, 13-окт. — Sputnik. Кыргызстан Грузиянын аймактык бүтүндүгүн колдойт. Мындай пикирин КР президенти Алмазбек Атамбаев Тбилисидеги маалымат жыйын учурунда билдирди.
Эскерте кетсек, өлкө башчы учурда расмий сапар менен Грузияда жүрөт. Анын алкагында президент Георгий Маргвелашвили менен эки тараптуу жолугушуу өткөрүп, бир катар келишимдерге кол койду.
Андан соң эки президент маалымат жыйын өткөрүштү.
"Сүйлөшүү жолу менен чечилбеген бир да маселе жок. Кыргызстан эки революцияны башынан өткөрдү. Биз дагы бул жолду басканбыз, көп адамдарыбызды жоготконбуз. Бирок мен эч жакка чалган эмесмин, Москвага да, Вашингтонго да. Бизде дагы облустук борборлорду басып алышкан. Бардык жакка өзүм барып, сүйлөшкөм", — деди Атамбаев.
Ал өз сөзүндө маселени курал жана согуш менен чечүү эч бир жакшылыкка алып келбей турганын белгиледи.
