БИШКЕК, 8-окт. — Sputnik. Кыргызстандын Юстиция министрлиги өкмөттүн сайтына Чүй облусунда цемент заводун куруу үчүн жер тилкесин бөлүп берүү боюнча коомдук талкууга токтом долбоорун киргизди.
Документте Чүй районунун Искра айыл аймагындагы 22 гектар жайыт жерди өнөр жай, транспорт, байланыш, коргоо жана башка багыттагы жер категорияга которуу сунушталууда. Мамлекеттик органдар мындай чечимге каршылык көрсөткөн эмес.
Белгилей кетсек, Чүй облусунда 1964-жылдан бери Кант цемент заводу иштеп келет.
