БИШКЕК, 19-сен. — Sputnik. Бүгүнтөдөн тарта кыргыз-өзбек чек арасындагы өткөрүү пункттары кадимки тартипте иштей баштаганын Мамлекеттик чек ара кызматы билдирди.
Эскерте кетсек, 22-августта талаш жараткан чек ара аймагына Өзбекстандын күч кызматкерлери тик учак менен конгон. Ал эми 24-август күнү алар Кыргызстандын төрт жаранын кармап кетип Яңги-Курган ички иштер бөлүмүнө киргизип, аларды эки жумадан алар кое беришкен. Бара-бара Үңкүр-Тоодогу өзбек милициясынын саны 20 адамга жеткен эле. Мындан улам, чек арадагы өткөрүү пункттарында жарандардын ары-бери өтүүсүнө чектөө киргизилген.
Кечээ, 18-сентябрь күнү кечинде Өзбекстан Аксы районундагы Үңкүр-Тоодогу милиция кызматкерлерин алып кеткен.
КРдин чек арачылары учурда мамлекеттик чек араны күчөтүлгөн тартипте кайтарууну улантып жатат.
