БИШКЕК, 17-сен. — Sputnik. КР президенти Алмазбек Атамбаев интернетте талкууланган картондун үстүндө уктап жаткан сүрөттөгү баланын абалын аныктоону тапшырганын өлкө башчынын маалымат кызматынын жетекчиси өзүнүн Facebook баракчасына жазып чыкты.
Белгилей кетсек, кумдун үстүнө салынган картондо уктап жаткан баланын сүрөтү Интернет колдонуучулар арасында кызуу талкуу жараткан эле.
КР президент аппаратынын жетекчиси Фарид Ниязов өлкө башчынын тапшырмасын вице-премьер-министр Гүлмира Кудайбердиевага жана өкмөттүн Ош облусундагы ыйгам укуктуу өкүлү Таалайбек Сарыбашевге тапшырды.
"Бала табылгандан кийин өкмөт ага кам көрөт. Ошондой эле президенттин тапшырмасына ылайы өлкөнүн базарларындагы балдардын абалын тыкыр анализдеп чыгуу керектиги айтылды", — деп жазылат маалыматта.
Картондун үстүндө уктап жаткан баланын аты Исхак, ал жашта экенин анын 35 жаштагы апасы Зульфия айткан болчу. Ал баласын аргасыздан көчөдөгү картонго жаткырып кетүүгө аргасыз болгонун билдирди. Себеби, ал жумуш иштөөгө мажбур болгон.
