БИШКЕК, 17-сен. — Sputnik. Кыргызстандын президенти Алмазбек Атамбаев, Россиянын Владимир Путин, Армениянын башчысы Серж Саргсян жана Молдованын премьер-министри Павел Филип Арашан айылындагы Улуу Ата-Мекендик согуштун катышуучуларынын жаркын элесине арналган Мемориалдык тактага гүл коюшту. Бул тууралуу президенттин маалымат кызматы билдирди.
Россиянын, Армениянын президенттери жана Молдованын премьер-министри Бишкекке КМШ мамлекет башчылар кеңешинин 25 жылдык мааракелик жыйынына катышуу үчүн келишкен.
17 Аяк оона 2016, 15:27
Мааракелик жыйын "Ала-Арча" мамлекеттик резиденциясында болду. Ага Кыргызстандын президенти Алмазбек Атамбаев төрагалык кылып, Азербайжан, Армения, Белоруссия, Казакстан, Россия жана Тажикстан президенттери, Молдованын өкмөт башчысы, Түркмөнстандын премьер-министринин орун басары, Өзбекстандын тышкы иштер министри, Украинанын Кыргызстандагы элчиси катышты.
Эскерте кетсек, буга чейин КМШ мамлекеттеринин ТИМ башчылары жолугуп, саммитте талкуулануучу 14 маселени бекитишкен.
