БИШКЕК, 17-сен. — Sputnik. Сенаттын депутаты Дарига Назарбаева педофилдерди өлүм жазасына тартууга каршы оюн билдирди. Бул тууралуу РИА Новости Sputnik Казахстан маалымат агенттигине таянып жазып чыкты.
Сенаттын депутаттары жума күнү Назарбаеваны эл аралык мамилелер, коргоо жана коопсуздук боюнча палатанын туруктуу комитетинин төрагалыгына шайлашкан.
"Албетте, баарыбыз ата-эне катары мындай жаңылыктарды өтө коркуу менен кабыл алабыз. Бирок биз ачык коомдо жашап жатабыз. Биздин эл аралык милдеттерибиз бар. Аларды эске алып, убагында өлүм жазасын алып таштаганбыз, бул кылмыш иши боюнча кылмышкерди өмүр бою эркинен ажыратуу жазасын киргизсек болот", — деди Назарбаева.
Назарбаева педофилдер психикалык жактан оорулуу экендигин жана алар абактан чыккандан кийин мамлекеттин эсебинен дарыланышы керек экендигин кошумчалады.
Буга чейин 20-августта Актау кичи районунда 6 жаштагы кичинекей кыз жоголуп кеткен. Кыздын ата-энеси издеп таппагандыктан полицияга кайрылышкан. Кыз ошол эле күнү кечинде табылып, дарыгерлер кыздын зордукталганын аныкташкан. Бул фактынын негизинде "Зордуктоо" беренеси боюнча кылмыш иши козголду.
