БИШКЕК, 16-сен. — Sputnik. КМШ мамлекеттеринин жетекчилеринин кеңейтилген жыйынында президент Алмазбек Атамбаев көз карандысыз мамлекеттердин шериктештиги кантип түптөлгөндүгүн айтып берди.
Анын айтымында, уюмду мындан да жакшыртуу жана реформалоо боюнча көп сөз болгон. Бул бир жыл бою талкууланып, бир пикирге келе алышкан эмес.
Бүгүн бул багытта реформа жүргүзүп, биринчи кадамдарды жасоо жаатында алгачкы саамалык жасалды.
"Бүгүнкү жөнөкөй эмес мезгилде кеңейтилген отурумдагы диалогдун кайсыл болбосун аянтчасын сактап, ага аяр мамиле кылуу керек. Жалгыз эч нерсе жасай албайбыз. Маселени биргелешип, кепке келип гана чечүүгө болот",— деди Атамбаев.
Кыргызстандын башчысы КМШ аймагын бөлүп турган чектер бир тууган элдерди бириктирген жана бөлүнүүлөр жоюлган убакыт келерин айтты.
Президент ар бир өлкөнүн улуттук кызыкчылыктары менен интеграциялык процесстеринин ортосунда тең салмактуулукка келүүгө болот деген пикирин билдирди.
