БИШКЕК, 16–сен. — Sputnik. Сенаттын (жогорку палата) депутаты Дарига Назарбаева өзү жөнүндө учурда президенттин ордун басат деген кептер чындыкка коошпой турганын айтты.
Бул тууралуу РИА Новости жазып чыкты.
Парламент сенатынын депутаттары жума күнү Назарбаеваны эл аларык мамилелер, коргоо жана коопсуздук боюнча палатанын туруктуу комитетинин төрөгалыгына шайлашкан.
Назарбаева журналисттердин өзүңүздү атаңыздын ордун басуучу катары санайсызбы деген суроосуна мындай кептердин жөнсүз экенин белгиледи.
"Мен өзүмдү туура жана берилгендик менен өз өлкөмө кызмат кылган жаран жана биздин президенттин командасынын өкүлү катары эсептейм. Мен жөнүндө айтылган сөздөр жөн гана спекуляция, ушак деп эсептейм", — деди Назарбаева журналисттердин өзүңүздү атаңыздын ордун басуучу катары санайсызбы деген суроосуна.
Дарига Назарбаева — Казакстандын президенти Нурсултан Назарбаевдин тун кызы.
