БИШКЕК, 16-сен. — Sputnik. Казак президенти Нурсултан Назарбаев КМШ мамлекет башчыларынын кеңешинин мааракелик жыйынына катышуу үчүн Бишкекке келгенин КР өкмөтүнүн маалымат кызматы билдирди.
Назарбаевди "Манас" эл аралык аэропортунан премьер-министр Сооронбай Жээнбеков тосуп алды.
Буга чейин Белоруссия президенти Александр Лукашенко, Молдванын премьер-министри Павел Филип, Азербайжандын президенти Илхам Алиев келишкен.
16-сентябрда Бишкек шаарында КМШ лидерлеринин саммити өтөт.
КР ТИМи саммитке Армения, Азербайжан, Белоруссия, Казакстан, Россия жана Тажикстандын өлкө башчылары келерин тастыктаган. Түркмөнстандын атынан өкмөт башчынын орун басары келмей болду. Ал эми Молдованын премьер-министри жана Украинанын элчиси келсе, Өзбекстандын атынан өлкөнүн тышкы иштер министри катышат.
