БИШКЕК, 8-сен. — Sputnik. Кырчындагы иш-чараларга 40 миңден ашуун адам күбө болду. Бул тууралуу Туризм департаментинин жетекчиси Азамат Жаманкулов Көчмөндөр оюндарынын жыйынтыгы менен уюштурулган маалымат жыйын учурунда билдирди.
Ал Кырчын жайлоосунда жети облус жана Бишек, Ош шаарларынын ордолору тигилгенин айтты.
"Кырчын жайлоосунда көчмөндөрдүн маданияты жана тарыхы чагылдырылды. Иш-чараларга 40 миңден ашуун көрүүчү күбө болду. Аталган жайлоодо этно шаарча куруу биздин чоң максаттарыбыздын бири болчу. Бул жакта мындан ары да маданий иш-чаралар өтө берет", — деди Жаманкулов.
Ал этно шаарча мындан ары да көчмөндөр чогулган чоң борбор бойдон кала берерин кошумчалады.
Эскерте кетсек, 3-8-сентябрь күндөрү Ысык-Көл облусунда Дүйнөлүк көчмөндөрдүн экинчи оюну өттү.
