БИШКЕК, 6-сен. — Sputnik. Ош шаарынын укук коргоо органдары Кытай элчилигиндеги терактыга байланыштуу көзөмөлдү күчөттү. Бул тууралуу шаардык ички иштер башкармалыгынан кабарлашты.
Калаанын кире беришине тосмолор орнотулуп, аэропортто текшерүү иштери күчөтүлдү.
"Оштогу абал туруктуу. Милиция күчөтүлгөн режимде иштеп жатат", — деп билдирди Ош ШИИБнин маалымат катчысы Замир Сыдыков.
Өткөн шейшемби күнү эртең менен Кытай элчилигинде жардыруу болгон. Жанкечти унаасы менен дипломатиялык өкүлчүлүктүн дарбазасын сүзүп, андан кийин өзү түшкөн автоунааны жардырып жиберген.
