БИШКЕК, 25-авг. — Sputnik. Ысык-Көлдө өтө турган Көчмөндөр оюндары жана Бишкекте боло турган КМШ мамлекеттеринин саммити учурунда жарандардын ээлигиндеги курал-жарактар алынат. Бул тууралуу ИИМ билдирди.
Мындай чечим расмий делегациянын өкүлдөрү жайгашкан жана унаа колоннасы өтө турган жолго жакын аймакта жашаган тургундарга тиешелүү болот. 30-августтан 19-сентябрга чейин өкүм сүрө турган эрежеге ылайык, элде "травмат" деп да аталган курал-жарактын бардык түрү алынат.
Эскерте кетсек, Көчмөндөр оюну 3-8-сентябрь, ал эми саммит 16-17-сентябрга белгиленген.
