БИШКЕК, 23-авг. — Sputnik. Сахалинде өз өмүрүнө кол салган кишинин кыргызстандык жаран экени тастыкталды. Бул тууралуу Тышкы иштер министрлиги билдирди.
Маалыматка ылайык, кечээ, 23-августта кечке маал 26 жаштагы кыргызстандык жаран мас абалында экинчи кабаттагы үйүнө терезе аркылуу кирүүгө аракет кылган. Коңшулар аны ууру экен деп полиция кызматкерлерин чакырышкан. Окуянын чоо-жайын аныктоо үчүн жаранды полиция бөлүмүнө алып келишкен.
"Болжол менен саат 19.45те аталган жаран камерада өзүн өзү асып салган. Анын муунуп жатканы видеобайкоо камерасына түшүп калган", — деп айтылат билдирүүдө.
ТИМ учурда өкүлчүлүк менен кыргыз диаспорасы маркумдун сөөгүн Кыргызстанга жеткирүү боюнча аракеттерди көрүп жатканын белгиледи.
