БИШКЕК, 23-авг. — Sputnik. Кыргызстандын Россиядагы элчилиги Сахалиндин полициясындагы кабыл алуучу жайда муунуп өлгөн кишинин жарандыгын тактап жатат. Бул тууралуу дипломатиялык өкүлчүлүктүн маалымат кызматы билдирди.
Буга чейин россиялык жалпыга маалымдоо каражаттары Южно-Сахалинск шаары боюнча ИИМБ тарабынан административдик камакка алынган адамдар кармалуучу камерада Кыргызстандын жараны өз өмүрүнө кол салганын жазып чыгышкан.
Аталган кишинин жарандыгы жана окуянын чоо-жайын тактоо үчүн элчилик шаардын тийиштүү органдарына сурам жөнөтүлгөнү белгиленди.
