БИШКЕК, 22-авг. — Sputnik. Жол кырсыгынан Нарында үч адам набыт болсо, Ошто бир адам көз жумду. Бул тууралуу ӨКМ билдирди.
Үстүбүздөгү жылдын, 21-августунда саат 22:13 чамасында Бишкек — Торугарт унаа жолунун 286-чакырымында ВМW-X5 үлгүсүндөгү унаа жолдон чыгып кеткен. Натыйжада эки адам каза болуп, үч киши жаракат алган.
Ал эми Ноокат районуна караштуу Төөлөс айыл аймагында 21-август күнү саат 06:30 чамасында Ош — Баткен унаа жолунда жол кырсыгы катталган.
Анда Mercedes-Benz Sprinter үлгүсүндөгү унаа менен Toyota Corona үлгүсүндөгү машина кагылышкан. Натыйжада Toyota Corona унаасындагы бир адам каза болуп, үч адам жаракат алган. Микроавтобустан бир адам жеңил жаракат алган.
Алар тез арада ооруканага жаткырылган.
