БИШКЕК, 5-авг. — Sputnik. Бишкек — Ош кан жолунда 5-августта эки киши 250 метрлик жардан кулап, бирөөсү каза болгонун ӨКМ билдирди.
"Биринчи киши ажатканага барам деп чыгып кулап кеткен болушу мүмкүн. Экинчиси жардам берем деп жатып ал да кулаган окшойт. Анын кесепетинен бири каза болгон", — деп министрлик маалымдады.
Эки кишинин тең курагы 39 жашта экени аныкталды.
Туура бир ай мурун 2016-жылы 5-июлда ушул жерден жүк ташуучу унаанын жүргүнчүсү да кулап каза болгон. Анда Mercedes-Benz Actros жүк ташуучу унаанын айдоочусу жарылып калган дөңгөлөктү алмаштыруу үчүн токтогон. Анын жанындагы жүргүнчү ажатканага баруу үчүн чыгып, жардан кулап кеткен.
