БИШКЕК, 5-авг. — Sputnik. Алексей Попов аттуу адам алты күн мурда Кыргызстанга учуп келип өлкөгө кире албай калган.
Попов анын Бишкектеги кызы бир жума бою керектүү документтерди чогултуп, аны чыгарып алууга аракеттерди көргөнүн Sputnik Кыргызстан агенттигине билдирген.
"Мен Кыргызстанга ооруп жаткан ата-энемди көрөйүн деп келгем. Россиядан жашаганымды гана тастыктаган документ менен келгем. Кыргызстанга келгенде өлкөгө киргизбей коюшту. Мына ошентип бир жума өтүп кетиптир. Менин курсагымды тойгузуп, керектүү жардамды берип турган чек арачыларга ырахмат айтам", — дейт ал.
Кызы Мария Попова атасы Кыргызстанга кирүүсү үчүн чакыруу арызын толтурууга туура келгенин билдирди.
"Чакырууну мамлекеттик каттоо кызматынан толтурдук. Оор болду, бирок жардам берген кишилерге миң мертебе ыраазымын", — деди ал.
Попов дароо эле ата-энесине бара турганын айтты.
