БИШКЕК, 4-авг. — Sputnik. Айнеги заводдон чыкканда эле караңгылатылган автоунаанын ээлерине терезелерин алмаштыруу сунуш катары айтылганын Кайгуул милициясынын маалымат катчысы Тилек Оторов билдирди.
Буга чейин ИИМ автоунаанын айнеги заводдон чыкканда эле караңгылатылган болсо, аны алмаштыруу керектигин маалымдаган. Билдирүүдөн кийин айрым айдоочулар социалдык тармак аркылуу мындай аракет жеке менчикке кийлигишүү экенин айтышкан. Активист Айбек Баратов мындай чечимдин үстүнөн арыздана турганын билдирген эле.
Кайгуул милициясы өкмөт токтомунун талаптарын аткарууда учурдагы мыйзам жана жолдо жүрүү эрежесин так сактап жатканын белгиледи.
Беренелерде айнеги заводдон чыкканда эле караңгылатылган болсо, ага карата административдик жоопкерчиликке тартуу каралбаганы айтылган.
"Унаанын маңдайкы, алдыңкы эшиктеринин каптал айнектерин караңгылаткан же парда таккан, ошондой эле арткы айнектерди күзгү сымал жасатып алгандар 2 миң сомдук айып пул төлөйт", — деп айтылат билдирүүдө.
2 Баш оона 2016, 13:01
Өкмөттүн токтому менен караңгылатууга жол берилген унаалардын тизмеси да келтирилет. Ага ылайык, президенттин, өкмөт башчынын, спикердин жана Жогорку сот төрагасынын унааларын караңгылатууга уруксат берилет. Мындан сырткары, УКМКнын 9-бөлүмүнүн, "Кыргыз инкассациясы" (акча жана баалуу буюмдарды жеткирүү) ишканасынын жана кылмышкерлерди ташыган унаалардын айнегин караңгылатууга жол берилет.
Караңгылатууга уруксат берген башка документтер жараксыз деп табылат.
