БИШКЕК, 30-июл. — Sputnik. Жыл сайын июль айында боло турчу эл аралык "Оймо" фестивалына 150 уз келди.
Анын алкагында колго жасалган буюмдардын жарманкеси болуп, жаш дизайнерлер арасында "Этно" стили боюнча конкурс өтүп, ал майрамдык концерт менен коштолду.
Уюштуруучулардын айтымында, фестиваль бир гана маданий мурасты сактабастан, туризмди өнүктүрүп, туризмдин өнүгүүсүн шарттайт. Ошондой эле Кыргызстанды жакшы жагынан таанытууга салым кошот.
29-июлда башталган эл аралык "Оймо" фестивалы 31-июлда чейин Бишкек шаарында өтүп, 7-августка чейин Ысык-Көл облусунун Чолпон-Ата шаарында уланат. Быйылкы фестивалга Россия, Тажикстан, Азербайжан, Өзбекстан, Казакстан, Индия жана Түркмөнстан мамлекеттеринен кол өнөрчүлөр, уздар келген.
Sputnik Кыргызстан маалымат агенттиги жана радиосу фестивалдын расмий медиа өнөктөшү болду.
