БИШКЕК, 29-июл. — Sputnik. Улуттук күрөш боюнча дирекция II Дүйнөлүк көчмөндөр оюндарына келе турган спортчуларды жатак менен камсыздоо үчүн тендер жарыялады.
Мамлекеттик сатып алуулар порталына жарыяланган маалыматка караганда дирекция спортчулардын жатагына 40 миллион 950 миң сом сарптоону көздөп жатат.
Тендер 28-июлда жарыяланып, мөөнөтү үстүбүздөгү жылдын 18-августунда аяктайт.
Sputnik Кыргызстан агенттиги Дүйнөлүк көчмөндөр оюндарынын расмий медиа өнөктөшү.
