БИШКЕК, 28-июл. — Sputnik. Кыргызстандын айрым жерлеринде 29-июлда ылдамдыгы секундасына 20 метрге жеткен катуу шамал болорун Кыргызгидромет билдирди.
Маалыматка ылайык, өлкө аймагында эртең мезгил-мезгили менен жаан жаап, күн күркүрөйт. Батыштан соккон шамалдын ылдамдыгы секундасына 4-9 метрден 15-20 метрге жетиши мүмкүн. Күндүз айрым жерлерде жаан жаап, бийик тоолуу аймактарга кар түшөт.
Бишкек шаарында мезгил-мезгили менен жаан жаап, күн күркүрөйт. Күндүз күн 28 градуска чейин ысыйт. Ал эми Ош шаарында 30 градуска чейин көтөрүлөт.
Талас, Нарында 28 градус, Баткен, Жалал-Абад облустарынын дыйканчылык аймактарында 32 градус ысык болсо, Ысык-Көлдө 24 градуска чейин жогорулайт.
