БИШКЕК, 28-июл. — Sputnik. Бишкекте тарыхый-маданий объектилердин санын көбөйтүү аракети шаардын борбордук бөлүгүнүн деталдуу планы талкууланганын мэриянын маалымат кызматы билдирди.
Ага ылайык, Насирдин Исанов атындагы Курулуш, транспорт жана архитектура университетинде шаар куруучулардын жыйыны өтүп, күн тартибинде Бишкек шаарынын борбордук бөлүгүнүн деталдуу пландоо долбоору талкууланды.
Деталдуу пландоо долбоору 3 миң 641 гектар аймакты камтып, Курманжан датка, Ахунбаев, Садырбаев жана Жибек Жолу проспектиси төрт бурчтугун өзүнө алат. План боюнча эки-үч деңгээлдүү жолдорду куруу концепциясы, ошондой эле тарыхый-маданий объектилердин санын көбөйтүү да каралган.
Шаардын борбордук бөлүгүн деталдуу пландаштыруу кийинки жыйында дагы талкууланат.
