БИШКЕК, 28-июл. — Sputnik. Президент Алмазбек Атамбаев Кыргызстан менен Кувейт өкмөттөрүнүн түз аба каттамы тууралуу макулдашуусун ратификациялады. Бул тууралуу өлкө башчынын маалымат кызматы билдирди.
Макулдашууга тараптар 2015-жылдын аягында кол койгон, ал эми үстүбүздөгү жылдын 30-июнунда Жогорку Кеңеш тарабынан кабыл алынган.
"Макулдашуу эки тараптуу саясий, экономикалык, маданий кызматташуунун өнүгүүсүн шарттайт. Бул өз кезегинде эки өлкөнүн ортосунда түз авиакаттам ачууга негиз берет", — деп айтылат билдирүүдө.
Документте авиахаб түзүү долбоорунун алкагында каттамдардын географиясын кеңейтүү боюнча эки өлкөнүн кызыкчылыгы эске алынганы айтылат.
