БИШКЕК, 22-июл. — Sputnik. Өкмөт башчы Сооронбай Жээнбеков Талас облусуна болгон иш сапарынын жүрүшүндө Кара-Буура районундагы "Сарымсак" каналын оңдоо ишинин жүрүшү менен таанышты.
Өнөр жай жана мелиорация министри Турдиназир Бекбоев маалымдагандай, каналдын жалпы узундугу 23 чакырымды түзүп, анын алты чакырымы оңдолгон.
Канал оңдолгон соң Кара-Буура районундагы сугат жерлердин аянты 900 гектардан үч миң гектарга чейин кеңейтилет.
Андан соң Жээнбеков Кара-Буура районунун Аманбаев айылындагы логистикалык борбордун жана фермердик чарбанын иши менен таанышты.
Премьер-министр өкмөт тараптан кичи жана орто бизнести өнүктүрүү, анын катарында экспортко багытталган ишканаларды колдоого алуу үчүн бардык тийиштүү шарттар түзүлүп жатканын белгиледи.
