БИШКЕК, 22-июл. — Sputnik. Эс алуу күндөрү өлкө аймагында жаан чачын күтүлбөйт. Бул тууралуу ӨКМ билдирди.
Маалыматка ылайык, Бишкек шаарында эртең, 23-июль күнү өткүн өтүп, күн күркүрөшү күтүлөт, күндүз жаан-чачын болбойт. Түндөсү абанын температурасы 17…19 градус, ал эми күндүзү 29…31 градус жылуу болушу күтүлөт.
Ал эми Ош шаарында түнкүсүн өткүн өтүп, күн күркүрөшү күтүлөт, күндүз жаан-чачындын ыктымалдыгы аз. Түндөсү абанын температурасы 16…18 градус, күндүз 32…34 градус жылуу болушу күтүлөт.
24-25-июлда жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.
