БИШКЕК, 21-июл. — Sputnik. Катуу жааган жамгырдан улам республиканын тоолуу райондорунда сел жүрүшү мүмкүн. Бул тууралуу ӨКМдин маалымат кызматы билдирди.
Маалыматка ылайык, үстүбүздөгү жылдын 21-23-июль күндөрү мезгил-мезгили менен жамгыр жаап, күн күркүрөп, бийик тоолуу райондордо кар түшүүсү күтүлүүдө.
"Мындай жаан-чачындуу аба ырайы айыл чарбачылыгына зыян келтирип, автоунаа каттамдарын, энергетика жана коммуналдык кызматтардын ишин жана жайыттарда малды кармоону кыйындатат", — деп айтылат маалыматта.
Шашылыш билдирүү уюлдук операторлор аркылуу элге СМС аркылуу маалымдалды.
