БИШКЕК, 22-июл. — Sputnik. Бишкек шаарындагы Ленин райондук ИИБдин башкармалыгына кечээ аябай көп күбөлөр келгенин ШИИБдин маалымат кызматы билдирди.
Кечээ турак-жай курулуш кооперативинин өкүлү кармалган.
"Ал алдамчылык боюнча айыпталып жатат. Көрсөтмө берүү үчүн күбөлөр чакырылган. Негизинен 20-30 киши келген. Аларды кезеги менен киргизгендиктен имараттын алдына кишилер толуп кеткен", — деп ШИИБден билдиришти.
Өкмөттүн маалымат кызматынын билдиришкендей, интернетте турак-жай курулуш кооперативи менен өкмөт келишим түзөт деген билдирүүсү тарап кеткен. Анда өкмөттүн жарандарды турак-жай менен камсыз кылуучу программасын ишке ашыруу үчүн кытайлык инвесторлор менен келишим коюла турганы айтылган. Бирок, бул маалымат чындыкка коошпой турганын өкмөттөн билдиришкен.
