БИШКЕК, 12-июл. — Sputnik. "Ата Мекен" фракциясы Бишкектин борборундагы эски курулуштарды түрттүрүп салууну караган ызы-чуулуу мыйзам долбоорун кайра карап чыкты.
"Ата Мекен" фракциясы Бишкектин борбордук бөлүгүндө жайгашкан эски имараттарды түрттүрүнү сунуштаган.
Эми фракция мыйзам долбооруна бир катар өзгөртүүлөрдү киргизип, анын жаңы долбоорун элге алып чыкты. Мурдагысында, 1996-жылга чейинку курулуштарды түрттүрүү каралса, эми алар мөөнөтү шарттуу берилерин, маселен, 1991-жылдан аркылар болушу мүмкүндүгүн айтты.
Мыйзам долбоорунда түрттүрүлгөн үйгө канча компенсация берилери жана чыгымдар кантип эсептелери төмөнкүчө келтирилген.
- биринчи, алып жатканда тарткан чыгымдары менен кошо келтирилген чыгымдын орду кыймылсыз мүлктүн базар баасындагыдай нарк менен төлөнүп берилет;
- экинчи, базардагы баа боюнча жер тилкеси теңдештирилип берилет;
- үчүнчү, базардагы баа боюнча каралып, турак үйдөн берилет.
Ар бир кыймылсыз мүлктүн базар баасы өзүнчө каралып, эсептелет.
Мындан сырткары демилгечилер шаардын башкы планына жана долбоордук пландоого туура келбеген эски курулуштарды, эски имараттарды, үйлөрдү гана түртүрүүнү сунуштап жатышат. Муну менен бирге эле 1996-жылдан кийин (башка вариантта 1991-жыл) башкы планга ылайыктабай салынган үйлөр мыйзамдаша тургандыгын айтты.
