Бул окуя Тройхтлинген станциясынан Вюрцбургга бараткан поездде орун алган. Полициянын маалыматына ылайык, вагондо 14 киши болгон. Кол салган Афганистандын тургуну 17 жашта экени айтылууда.
Die Welt басылмасы жергиликтүү полицияга таянуу менен кол салган киши "Аллах акбар" деп кыйкырганын маалымдады.
Кол салгандан кийин ал поездди токтотууга аракет кылып, окуя болгон жерден из жашырууну көздөгөн. Бирок, кырсык болгон жерге келген атайын даярдыктагы аскерлер аны жок кылышкан.
Бавариянын ички иштер министри Йоахим Херманн кол салууга эмне себеп болгону такталып жатканын "Рейтер" агенттигине билдирген.
