Түркиядагы төңкөрүш аракети: курмандыктар саны 90го, жарадарлар 1154кө жетти

БИШКЕК, 16-июл. — Sputnik.  Түркиядагы төңкөрүш аракеттериндеги курмандыктардын саны 90го, жарадарлар 1 154кө жетти деп билдирди РИА Новости Рейтерге шилтеме берип.

Буга чейин 60 адамдын өлгөндүгү кабарланган.

Кыргызстандын Тышкы иштер министрлиги жабырлангандардын  арасынан  кыргызстандыктардын бар-жогун тактап жатат. Тышкы иштер боюнча ведомство Анкара, Стамбулдагы жарандар үчүн атайын телефон линияларын ачты

Түркиядагы аткаминерлердин бири беш генерал менен 29 полковник кызматтан четтетилгендигин айтып,к армалган аскер кызматкерлердин саны 1 563кечукулдады. Ал арада Анкарада куралсыз 200 аскер багынып берди.

Жума күнү Түркиянын жетекчилиги аскерий төңкөрүш жасоого аракеттер болгонун жарыялады. Президент Режеп Тайип Эрдоган өтө чоң эмес топтон түзүлгөн козголоңчулар өлкөнүн Куралдуу күчтөрүнүн аскерлери экенин айтып, жарандардын бардыгын сыртка чыгууга үндөдү. Өлкөнүн өкмөт башчысы Бинали Йылдырым төңкөрүштү теракт деп атоо менен өкмөт өз ишин улантып жатканын баса белгиледи. 

Ал эми төңкөрүшкө чыккан Куралдуу күчтөрдүн башкы штабы бийлик алардын колуна өткөндүгүн билдирип, түрк элинин башчылары бийликтен четтетилгенин жарыялашкан. Алар мындай кадамын конституциялык тартипти орнотуу жана жарандардын эркиндиги менен укуктарын калыбына келтирүү максатында жасап жатышканы менен түшүндүрүшкөн. 

Түркиянын мамлекеттик TRT телеканалы жаңы Конституция жакынкы аралыкта даяр болорун жарыялаган. Ал эми өлкө учурда "Тынчтык кеңешинин" башкаруусунда болуп, дини, тили, расасына карабастан бардык жарандардын коопсуздугу корголо тургандыгы жарыяланды. Парламент болсо кезексиз жыйынга ишемби күнү чогулмай болду. 

Түркиянын президенти Тайип Эрдоган козголоңчуларды жазалоого убада берген.

Президент Тайип Эрдоган эл алдына чыгып сүйлөп, абал тынчып, өлкөдө абал турукташмайын элди көчөдөн кептөөгө чакырган. Кийинчерээк Түркиянын аскер аба күчтөрүнүн F-16 аскер учактары президенттик сарайдын жанында жүргөн танкаларды атып токтоткон.