БИШКЕК, 15-июл. — Sputnik. Президент Алмазбек Атамбаев Тереза Мэйге анын Улуу Британиянын Премьер-министри кызматына дайындалышы менен куттуктоо телеграммасын жөнөттү. Бул туурасында президенттин маалымат кызматы кабарлады.
Мамлекет башчысы Тереза Мэйдин көп жылдык тажрыйбасы кыргыз-британ мамилелеринин мындан ары кеңейишине жана бекемделишине өбөлгө болооруна ишеним билдирген.
Куттуктоодо мамлекет башчынын Тереза Мэйге жаңы кызматында ийгиликтерди, ал эми Улуу Британия элине – тынчтык, бакубатчылык жана гүлдөп-өнүгүүнү каалагандыгы айтылат.
Англия королевасы Елизавета II Тереза Мэйди апта башында премьер-министрликке дайындаган.
