БИШКЕК, 9-июл. — Sputnik. Польшанын ички коопсуздук боюнча агенттиги менен полиция Дүйнөлүк жаштардын католик курултайынын расмий сайтын талкалагандарды иликтеп жатат. Анда Варшавада өтүүчү НАТО самиттинин катышуучуларын коркутуп-үркүткөн маалыматтар жазылган.
Опуза ислам террорчулары тарабынан жасалган деген божомолдор айтылууда.
Жакынкы Чыгыш боюнча эксперт Войцех Шевце араб тилиндеги бул текст ката жазылгандыгын, анын автору Германия же Франциянын жашоочусу болушу мүмкүндүгүн айтты. Ал опузалоо өтө олуттуу деле эместигин, интернет-котормочу же сөздүктүн жардамы менен жазылгандай элес калтырарын кошумчалады.
Бул Польшада өтө турган НАТО саммити (8-9-июль) менен Жаштардын Дүйнөлүк күнүнө (26-31-июль) карата алгачкы коркутуу эместигин айтышууда.
