Оппозициячылар дагы эки ай абакта отурмай болушту

© Sputnik / Алексей Филиппов / Медиабанкка өтүүТүрмө. Ахив
Түрмө. Ахив - Sputnik Кыргызстан
Жазылуу
Свердлов райондук соту айыпталуучулардын абактагы мөөнөтүн эки айга узартты.

БИШКЕК, 7-июл. — Sputnik. Бийликти күч менен басып алууга шектелген оппозициянын үч өкүлүнүн абактагы мөөнөтү эки айга узартылды. Бул тууралуу УКМКнын маалымат кызматынан билдиришти. 

Ага ылайык, айыпталуучу Кубанычбек Кадыров, Бектур Асанов жана Эрнест Карыбековго карата тергөө иштери аяктай элек. 

"Тергөө иштери акырына чыга электигине байланыштуу Свердлов райондук соту айыпталуучулардын абактагы мөөнөтүн дагы эки айга узартты", — деп билдиришти маалымат кызматынан. 

Белгилей кетсек, буга чейин оппозиция өкүлдөрү бийликти күч менен басып алууга шектелип УКМК кызматкерлери тарабынан кармалышкан. Сот аларды 12-июлга чейин камакта калтыруу чечимин кабыл алган.

Жаңылыктар түрмөгү
0