БИШКЕК, 15-июн. — Sputnik. Дарактардан тазаланган аллеянын сүрөтүн Sputnik Кыргызстан агенттигине окурман WhatsApp аркылуу жөнөттү.
![Фотография с изображением вырубленной аллеи Раппопорта Фотография с изображением вырубленной аллеи Раппопорта - Sputnik Кыргызстан](https://sputnik.kg/img/102657/91/1026579130_0:0:941:564_600x0_80_0_0_85ac37e2543716c1e8a79086e23c528d.jpg)
Маалым болгондой июнь айынан тарта Раппопорт аллеясындагы дарактар кыйыла баштаган. Жалпы 704 терек менен кара жыгач жок кылынмак. Дарактар 50 жылга чейин жашайт, ал эми кыйылган дарактарга 57-80 жыл болуп кеткен. Мындан тышкары, бак кыюу иш-чарасы Тамчы — Корумду жолдорун оңдоого багытталган.
"Учурда 500гө жакын дарак кыйылды. Калган бактар 10 күн ичинде кыйылып бүтөт. Жолду оңдоо иштери аяктаган соң жаңы бак-дарак отургузулат", — деп билдирди Ысык-Көл районунун аким орун басары Данир Иманалиев.
Аллеянын узундугу беш чакырымды түзөт. Жолду бойлото терек жана кара жыгач бактар 1934-жылы жергиликтүү жылкы заводунун алгачкы директору Леонид Раппопорттун демилгеси менен тигилген.