БИШКЕК, 15-июн. — Sputnik. КР Улуттук илимдер академиясында улуу манасчы Саякбай Каралаевдин энциклопедиясынын бет ачары болорун академиянын маалымат кызматы билдирди.
Маалыматка ылайык, бет ачар 16-июнда саат өтөт.
Энциклопедия 500 нускада чыгып, Жогорку Кеңештин экс-депутаты Самат Ибраев менен коомдук ишмер Болот Берикбаев тарабынан каржыланган.
Китеп илимдер академиясынын вице-президенти Абдылдажан Акматалиевдин демилгеси менен жарык көрдү.
Каралаевдин айтуусундагы "Манас" эпосунун толук варианты 1935-жылдан тарта жазуу башталган. 1937-жылы үчилтиктин биринчи бөлүгү, кийин "Семетей", "Сейтек" жазылып алынган.
Каралаевдин айтуусунда "Эр Төштүк" эпосу жазылып алынып, 1938-жылы кыргыз тилинде, ал эми 1958-жылы орус тилинде өзүнчө китеп болуп чыккан. Улуу манасчы үч жолу "Эмгек Кызыл Туу" ордендери жана башка бир топ ардак грамоталар менен сыйланган.
